ለውጢ “ካብ ውልቂ ክሳብ መላእ ሕብረተሰብ”

Description

ኣቶ ሳምሶን ኣብዛ “ለውጢ“ ሰምዩዋ ዘሎ መጽሓፉ፣ ካብ ተመኩሮ ህይወቱን መዛንኡን ብዝገበሮ ትዕዝብትን፣ ከምኡ‘ውን ካብ ዝተማህሮ ሞያን ዘንበቦም መጻሕፍትን፣ ካብ ከባቢ ብዝነጠፎን ዝቐሰሞን ተመኩሮን ተበጊሱ፣ ከፊላዊ ታሪኹን፣ ስለምንታይ ካብ ኤርትራ ናብ ስደት ኣምሪሑን ይገልጸልና። ንህዝቢ ብፍላይ ንመንእሰያት መዛንኡ ድማ፣ ኣብ ኤርትራ ሓደ ናብ ግዝኣተ ሕግን ደሞክራስን ዝቐንዐ ለውጢ ንምምጻእ እንታይ ክግበር ይግብኦ ዝብል ረዚን፣ እዋናውን ተሃዋስን ዛዕባ የልዕልን ይምልስን። ኣብ ኤርትራ እወታዊ ለውጢ ንምምጻእ ኣገደስቲ ዝበሎም ነጥብታት፣ ካብ ታሪኽ ኤርትራ ተመኩሮ ቃልሲ፣ ብዓይኒ ትዕዝብቲ ናቱን ወለዶኡን፣ ስነ-ሕብረተሰብ፣ ህሉው ፖለቲካዊ ኩነታትን ሃገርን፣ ኣብ ግዳም ካብ ዝካየድ ዘሎ ናይ ተቓውሞ ቃልስናን ተበጊሱ፣ ጠቐምቲ፣ ሓደስትን ተባዓትን ርእይቶታት ይድህስስን የቕርብን። ኣብዛ መጽሓፉ ንምሕሳብ፣ ንምሕታትን ንምስትንታትን ዝዕድሙ ኣገደስቲ ነጥብታት ኣስፊሩልና ኣሎ።